Аудандық аурухананың бас дәрігері көпбалалы аналарға құрмет көрсетті
8 наурыз – Халықаралық әйелдер күні мерекесіне қарсаңында аудандық орталық аурухананың дәрігерлері медицина саласының ардагерлері мен "Алтын алқа" мен "Күміс алқа" иегерлеріне құрмет көрсетті.
Мерекелік кешті аудандық орталық аурухананың бас дәрігері Гүлжихан Нысанова құттықтау сөз сөйлеп ашты.
– Бүгін мереке қарсаңында Сіздермен емен-жарқын әңгімелесіп, мерекелік тілегімізді жеткізіп, құрмет көрсетіп, сый-сияпатымызды жасау үшін бас қосып отырмыз. Сіздерді шын жүректен алдағы мерекелеріңізбен құттықтаймын. Сіздер, аналар, қыз-келіншектер ақхалатты абзал жандар ретінде халықтың денсаулығының нығаюына үлкен үлес қосып келесіздер. Бүгінгі күні әйелдер қауымының қоғамда, отбасында алар орны ерекше. Және әрдайым солай болып қалары сөзсіз, – Гүлжихан Тасеменқызы.
Ақ дастархан басында ақ тілектер де ақтарылды. Олардың барлығы да қыз-келіншектер мен абзал аналарға ыстық ықыластарын жеткізді.
Мерекелік шара барысында көпбалалы аналарға сыйлық беріліп, олардың кейбіреулеріне "Алғыс хаттар" табыс етілді.
Ж.БЕК