Әйтеке би кентіндегі емханада ашық есік күні өтеді
Қазалы ауданаралық ауруханасына қарасты емханада дүниежүзілік денсаулық күніне орай ашық есік күні ұйымдастырылады. Ашық есік күні 6 сәуір күні сағат 9:00-18:00 аралығында өтеді.
Аудан тұрғындары бір күн бойы терапевт, онколог, педиатр, невропатолог, кардиолог, хирург, травматолог, гинеколог және уролог дәрігерлердің кеңесін ала алады. Қажет болған жағдайда мамандар азаматтардың қалауы бойынша қандағы холестерин, глюкоза деңгейін өлшеп, бой-салмақ, дене салмағының индексін анықтайды. Сондай-ақ, УДЗ зерттеуінен және ЭКГ-дан өту мүмкіндігі де қарастырылған.
ҚАЗАЛЫ АУДАНАРАЛЫҚ АУРУХАНА ӘКІМШІЛІГІ